Puisi Jawa “Geguritan” lan Tuladhane
Indonesia ora cuman nduweni sumber daya alam sing akeh uga ndue akeh suku, agama, ras, budaya, lan tradisi sing unik. Salah sijine yaiku suku Jawa sing migunakake basa Jawa. Saiki, basa Jawa ora mung digunakake kaliyan wong Jawa, nanging uga digunakake dening wong saka suku liyo.
Budaya Jawa sing kerep digunakake yaiku geguritan. Rencang-rencang wis ngerti durung opo kui geguritan? Semisal durung, yuk simak pembahasan gegeritan ana ing ngisor iki.
A. Tegese Geguritan
Geguritan asale saka kata “Gurit” sing artine sajak utawa syair. Sahingga, tegese geguritan yaiku syair, tulisan, utawa kidung sing ditulis nggawa basa Jawa. Geguritan lumrahe digawe lagu utawa dinyanyikake migunakake tembang utawa pupuh.
Geguritan kalebu golongan sastra sing bagus (Puisi) Jawa cara ayar sing tujuanne ngungkapke rasa seneng, kaindahan rasa, nanging ora berpatokan karo aturan guru gatra, guru wilangan, lan guru lagu.
B. Sejarah Geguritan
Geguritan ing Jawa berkembang saka tembang sahing dikenal akeh tembang sing beda-beda. Awale, tembang kui awujud nyanyian lan nduweni sajak sing digawe dening penyair kanggo persembahan pemimping sing lagi kuasa.
Hal kui sing nyebabake karya sastra Jawa klasik bentuk puisi iki sifate anonim. Lumrahe, penyair sing nggawe tembang kui ora pengen nunjukake dirine sahingga karyane dianggap sing nduweni wong akeh.
Banjur kui, geguritan ing Jawa berkembang lan nduweni sinonim puisi bebas yaiku puisi sing ora terikat karo aturan metrum, sajak, lan lagu. Puisi Jawa tradisional berbentuk tembang sing jenise akeh lan dibagi dadi telu golongan yaiku puisi tembang macapat, puisi tembang tengahan, lan puisi tembang gedhe.
C. Jenising Geguritan
Geguritan dibedakake dadi loro, yaiku:
1. Geguritan tradisional
Puisi Jawa tradisional kui awujud parikan, guritan, singir, lan tembang dolanan. Geguritan tradisional kui diikat nggawa aturan tertentu, yaiku:
- Jumlah gatra (baris) ora ajeg
- Saben gatra nduweni wolu wanda (suku kata)
- Uni ana ing akhir kata suarane podo
- Ing awal geguritan biasane diawali nggawa kata “sun gegurit) sing artine aku mengarang
2. Geguritan kontemporer
Geguritan kontemporer ora nduweni ikatan ana ing aturan guru lagu (uni vokal ana ing akhir baris) lan guru wilangan (jumlah suku kata saben baris). Tuladhane yaiku tembang utawa kidung.
D. Cara Nggawe Geguritan
- Penulis nentukake tema karangan sing arep digawe. Tema kui gagasan pokok sing bakal dijabarke dadi kalimat geguritan. Tema nduweni peran penting amarga dadi wadah ana ing karangan geguritan sahingga karangan sing digawe ora mlenceng saka gagasan pokok sing wis diterapke.
- Penulis nentukake gaya basa. Gaya basa kui penting gawe identitas lan ciri khas penulis. Gaya basa uga kudu merhatikakeketerpaduan untaian kata lan rima sing ana ing karangan geguritan.
- Langkah terakhir yaiku gae judul geguritan. Judul kui makili sajroning isi geguritan mula kudu digawe ana ing bagian akhir. Judul uga kudu digae sing apik sahingga pembaca tertarik maca geguritan kui.
E. Tuladhane Geguritan
Tuladhane geguritan tradisional yaiku:
1. Pahlawan
Sun gegurit
Pahlawan..
Blumbang getih sing panjennengan kurban
Mayuta-yuta kringet panjennengan
Kanggo tanah diarep kabeh kalangan
Abot tenan perjuanganmu
Katresnanmu tak pedhot maringi wektu
Nganti saiki kelingan bektimu
Dungoku ngarep katenanganmu
Maturnuwun pahlawanku
2. Ibu
Sun gegurit
Ibu..
Tansah guyumu nentremke atiku
Tansah mbayangmu ngancani sepiku
Tansah wiwit cilik mulang lakuku
Dungomu kanggo sukses aku
Dungoku saterosna ngancani uripku
Sing arep melu ngerasake bungahku
Saiki kulo ngarep rasa senengmu
Ibu bidadariku
Tuladhane geguritan kontemporer yaiku:
1. Palaran Tegalejo (Indra Tranggono)
Nalika ngambah jobin pendhapa Tegalreja
Mripatku weruh jubah putih kumlebet kebak wibawa
Sang Pangeran jumeneng tanpa kedheping netra
Sereng, mencereng gawe getering nala
Bangsa penjajah wus salin rupa
Sang Pangeran tansah siyaga
Ngupaya tetep ngregem ajining dhiri
Tan lena ditlikung raseksa nggegirisi
Gamelan ing pendhapa talu
Ngregem piyandeling Sang Pangeran
Tembang palaran keprungu
Ngiring brantayuda netepi sedya
Sang Pangeran nyekar
Kumandhang kanthi swara gandhang
Netra tansah sumunar
Adeg-adeg dhiri dadi cagaking tumandang
“Perang ora mung rebutan bandha donya
Nanging uga sirah lan atining bangsa
Bokor emas kebak kidung kaslametan
Kudu dijaga saka amuking asu ajak manca negara”
Sang Pangeran ora wedi pralaya
Ora gigrig dipegat nikmat bandha donya
Tansah nyawiji, greget sengguh ora mingkuh
Nundhung angkara murka kang wengkis lan angkuh
Tembang palaran tansah kumandhang
Njebol wuwungan pendhapa, nyebar pepadhang
Langit geter!
Rasa wedi lan mindher dadi lumer
2. Layang Kanggo Emak (Mulyati)
Mak, sliramu anyeksèni kridhaning aji kabudayan manungsa Jawi
tansah uga cinathet sesuluh hamemayu hayune nagara iki
wiwit saka jaman Kartini
kenceng ancas ing nguni:
sluman-slumun yasa dadi ramu
lembah manah tansah dadi sangu
“Aja ketungkul marang kalungguhan, kadonyan, lan kamareman
aja gumunan, aja getunan, aja kagètan, aja aleman
aja pisan-pisan gumun angadhepi mompyoré jaman iki
aja getun jroning panemu kang becik
aja kagèt kabèh iku mung pethingan
aja aleman ginayuh nyandhak sesawangan kekarepan”
Mak, senajan aku wong dhusun
wiwit cilik tansah nelangsa lan getun
pakaryanku mung tandur karo matun
nanging ora kendhat anggonku dikon kèri
sabab akèh sawan manis sing tansah mbebayani
Mak, najan pangkat luwih cilik, urip butuh diajèni
sing kudu kasinau, bab bakuné kadewasan dhiri
dadia wong kang piguna
rawé-rawé pait getirira dèn rantasi
ngadeg jejeg ora pijer miyar-miyur
sarwa ndedonga kabèh kagungane Ingkang Maha Widhi
Mak, sembah sujud tambahing pangèstu
aku amung saderma
ora nékad mring kang ala
kabèh iku merga ati rinasa prungsang
laras pénak lamun suci
kanggo pathokan gesang
tata tentrem lair kalawan batin
3. Carita Wayang (Eko Wahyu Nugroho)
Sapa kandha wayang kuwi kuna?
Yen durung ngerti lakuning crita
Wiwit jejer tekaning paripurna
Dudu amung rikala gara-gara
Rentep-rentep piwulang kagambarna
Tindak-tanduk uga tata krama
Kang bisa tansah ngrembaka
Saka isining carita kang kababar
Kababar pitutur suci tumrap dhiri
Dhiri kang tansah nguri-uri
Nguri-uri kabudayan Jawa suci
Miguna mring nagari
4. Ngejaman (Purwadmadi
Jam
gumingsiré kala
dhedhongkèl mangsa lumuh cidra
sengkala tidha ngresepi dina
Jam
panjiret lena
wanciné lingsir sakèhing langsir
pasang brahala rakit walat cintraka
gèsèh gesahing lampah Sang Murwakala
Ngejaman seksi jaman
Yogya kang gumléwang ngetus ampas panandhang
kangslupan watak sabrang
awak-awak adus tirta sumuk sumeng angleng rata
nitik laku lampah cidra
5. Wewayangan (Supriyadi)
Panguripanmu wus ginurit
Ing gelare kelir jagad gumelar
Surya pinangka blenconge
Bumi pinangka deboge
Lelakonmu dadi gancare carita
Kang sinanggit Kang Murba Kawasa
Binabar ing pangucap lan polah tingkah
Tangis lan guyu gegen hingane
Banjur kapan babare lelakon
Sawangen polahe kayon
Jejeg miring mirong ngetan mangulon
Sabdane Hyang Manon humiring gen hing sabda kun
Ginarebeg pra widadara widadari
Mungkasi lakon sawengi iki
REFERENSI
- Iftitah Nurul. (2022). “10 Contoh Geguritan Bahasa Jawa dengan Berbagai Tema”. https://katadata.co.id/agung/berita/62eb9a6f67357/10-contoh-geguritan-bahasa-jawa-dengan-berbagai-tema
- Prameswari Sasmita. (2022). “12 Contoh Geguritan Bahasa Jawa Singkat Berbagai Tema, Lengkap!”. https://www.sonora.id/read/423461792/12-contoh-geguritan-bahasa-jawa-singkat-berbagai-tema-lengkap
- Putut Wijaya. (2021). “Contoh Geguritan Gagrak Lawas dan Gagrak Anyar”. https://www.ukulele.co.nz/contoh-geguritan/
- Gramedia. (2022). “Pengertian Geguritan dan Contoh Geguritan Jawa dan Bali”. https://www.gramedia.com/literasi/pengertian-geguritan/
